Sondrio, 28 settembre 2018   |  

Mind: una vita nœva per la zona ex-EXPO

El nœv parc de la scienza de Milan al vegnarà su ind l’area qe la g’ha ospitad l’EXPO ind el 2015

vento alessandro giacomel 10

MIND : una vita nœva per la zona ex-EXPO - Del Matteo Tignonsini, de l’Associazion Far Lombard

Al se ciamarà Mind el nœv parc de la scienza de Milan, qe al vegnarà su ind l’istessa area qe la g’ha ospitad la Esposizion Universala del 2015, de proprietaa de la Arexpo. La societaa Lendlease, qe la g’ha vincid la concession per 99 agn de l’area de 1 milion de meter quader, l’è dree a lavorar a’l parc ind collaborazion cond el mond universitare Milanes, qe al vutarà a dar-g l’identitaa: el Politecneg de Milan e la Iulm i se farà careg de la comunegazion e del posizionament de elements stratejeg, e l’Academia de Brera la farà dei installazion de sculture e ojets de disegn ind linia cond la vision del Mind; el projet al cœnta jabella in su 1,8 milion de investiments privads, qe i è dree a cresser anc’mò.

El nom “Mind” al ven fœra de “Milano Innovation District”, e al se riferess a la idea qe g’è sota, qe l’è qella de un lœg indov sperimentar foje diferente per lavorar, far ricerca, viver, star insema e muvir-s, qe le sapes plœ sosteniboi e inovadore. Ind el parc ge sarà denter l’Human technopole, el campus scientifeg de l’Universitaa Statala, el center ospedaler Galeaz, e divers laboratore e sezion de investigazion de aziende del camp scientifeg, medeg e farmaceuteg, ‘mè gross investiment ins la vocazion forta qe al g’ha Milan, ‘mè citaa intra le prime in Europa per i stude ind el camp de la sanitaa.

Ind l’istess sit internet “mindmilano.it”, se descriv el Mind ‘mè “ecosistema de l’inovazion”, un sit indov ge sarà una collaborazion intra istituzion, start-up, Universitaa, investigazion, imprese e terz setor, cond una ciamada forta a l’internazionalitaa, grazia anca a la posizion stratejega de Milan ind el contest rejonal, nazional e Europee.

Ind otover 2018 al vegnarà firmad el pian integrad de intervent intra i duu comun ins i quai l’è postada l’area, çoè Rho e Milan, per podir inviar el lavorar, qe al g’haress de vesser completad intra el 2022 e el 2024.

"#Lombard Language UNESCO ISO 639-3lmo"

Appuntamenti

Ritrovaci su Facebook

Caleidoscopio

18 Febbraio 1984 viene firmato l'accordo di villa Madama, il nuovo concordato tra Italia e Santa Sede.

Social

newFB newTwitter