Sondrio , 23 gennaio 2019   |  

La bicicletta rende più salubre la Lombardia

Per i cultori della lingua lombarda una riflessione sulla mobilità sostenibile nella nostra regione

lombardia in bicicletta logo

Del Matee Tignonsin, Associazion Far Lombard

Tuts i osservador i è decorde ind el dir qe la Lombardia l’è vuna de le rejon plu contaminade d’Europa; la ferma provisoria imposta a vergune tipolojie de motor e le iniziative temporanee le aida, ma g’è segurament besogn de un ripensament total de la mobilitaa. Intant però, l’è jamò possibol muvir-s de manera plu sostenibola, cond i comportaments de tuts i dé.

Inants de tut, preferir la bicicleta per le distanze pecene: al fa ben a l’ambient, e anca a la nostra salud; la Lombardia l’è la rejon qe la g’ha plu tante biciclete condividide, cond servize normalment comunai: voramai se pœl catar una bici condividida in quase tute le citaa plu grande de la rejon. Se se g’ha de spostar-s per distanze plu grande, in banda a’l trasport publeg (tren, corriere, tramvai, etc) se pœl doprar i servize de “condivision de vetura”, sies cond servize online, sies cond i servize comunai o provinçai, comè “AutoMia” a Bressa o Car2go a Milan, o anc’mò cond l’auto-organizazion intra persone qe le fa l’istess percors: g’è anca tants servize online qe i met in contat le persone interessade. La Rejon Lombardia la g’ha in pé ancassé un projet ciamad "e-Vai", qe al met a disposizion dei citadin plu de 100 veture a impat ambiental bass, presente in tants sits de interess, e qe le pœl indar ind le ZTL e parqejar ind i parqej blœ.

Se g’è la necessitaa de doprar una vetura personala, besognaress cercar de viajar a velocitaa miga trop volta, tegner el motor bass de jir, far controllar de spess i components de la vetura, la pression dei pneumateg, l’usura de le gome, e cercar de viajar senza pes inutei, cond el vantaj de salvar anca carburant. Quand qe po se crompa una vetura nœva, l’è important vardar qe la sapes de una class manc inquinanta possibol, comè le euro 6 (o al massim euro 5), e tegner in cœr qe el gasole l’è el carburant qe l’inquina de plu. Per i veicoi plu vecc, o qe se crompa jamò doprads, se pœl meter-g su dei filter anti-particolad per trategner un poo de polver sotil.

La terra l’è vuna, tegnomela de cunt !

"#Lombard Language UNESCO ISO 639-3lmo"

Appuntamenti

Ritrovaci su Facebook

Caleidoscopio

18 Febbraio 1984 viene firmato l'accordo di villa Madama, il nuovo concordato tra Italia e Santa Sede.

Social

newFB newTwitter