Sondrio , 01 marzo 2019   |  

El cine in lengua lombarda

Per i cultori della lingua lombarda una panoramica sul mondo del cinema

a qualcuno piace caldo 5

G’è dree a vegnir fœra el quart dopiaj cinematografeg in lengua lombarda a cura del TEPSI, el Teater Popolar del Texin. El titol orijinal todesc del film a l’è ‘Die schwarzen Brueder’ ma a l’è diventad ‘I spazacamin’ ind l’edizion lombarda.

A Monça, ind el 2010 g’è jemò stait la projezion de Se ta cati ta copi, version in lengua lombarda del film western ‘The searchers’ (Sentieri selvaggi), cont el John Wayne. El film, voltad integralment in lombard, l’emoziona fin del prim dialog e al colpiss per la qualitaa professionala dei vox dei ator e de la nœva rejistrazion.

L’istess valor al se trœv anca ind i olter films dopiads in lombard sota la direzion e produzion de l’ator e rejista professionista Yor Milano, tradutor, produtor e anema dei iniziative del TEPSI : Scapa ti che scapi anca mi (La Grande Vadrouille-Tre uomini in fuga) cont el Louis de Funès e Duu testimoni scomod (Some Like it Hot) qe a l’è el famos ‘A qualcuno piace caldo’, cont la Marilyn Monroe, el Tony Curtis e el Jack Lemmon, qe se pœ tastar ind un trailer del film in sul Youtube.

I version lombarde de quei films qì podarien verossimelment  incontrar un otem sucess, se fudessen trasmetude a la television o presentade ind una quai rassegna in sul cinema in lengua lombarda.

Insema ai long-metraj anca i curt-metraj se fann strada e representen una fioridura interessanta del cinema in lengua rejonal : Panasce del Stendhal Syndrome (Texin), L’Elvira de la Ornella Fiorini (MN), Il mattino sorge a Est del Stefano Tagliaferri (LC), La Pimpa: na giurnada fòra du solit de l’Altan/Smallcodes (Texin); ma anca Ona strada bagnada e  Desmentegass del Lamberto Caimi (MI), El prét nöf e el Matrioskar de l’Ettore Bonetti (BS). Anca i plussee ironeg Frontaliers o per finir, semper curade del Yor Milano/TEPSI, i trasposizion dei œvre teatrai A duu pass da l'eternità, Na bela tosa par tri dotor, Do tosan e tré valiis. El cine in lengua lombarda a l’è viscor ! Sperem de veder-l prest ind una quai bella rassegna, magara itineranta, in jir per tute i citaa de la Lombardia. (de la Simona Scuri, Associazion Far Lombard )

Appuntamenti

Ritrovaci su Facebook

Caleidoscopio

8 Luglio 1919 in Italia nasce l'Associazione Nazionale Alpini (ANA). È infatti proprio in questo giorno che un gruppo di reduci della Grande Guerra ne approva lo statuto sociale decretandone quindi ufficialmente la costituzione

Social

newFB newTwitter